Këto janë llojet e punëve që nuk ekzistonin 15 vite më parë
1) Teknik i printimit 3D
Printeri i parë 3D u zbulua në vitet 1980 dhe është padyshim shpikja më e madhe që ka dalë nga shteti i Teksasit, por si industri u rrit vetëm në vitet e fundit. Tani është e mundur që të printoni gjithçka nga pajisjet mjekësore. Teknikët e printimit 3D po punësohen nga kompanitë për të prodhuar mallra të printuara 3D, si dhe për mirëmbajtjen e makinerive. Teknikët duhet të njihen gjithashtu me softuerin kompjuterik të dizajnimit dhe modelimit.
2) Autorë të Inteligjencës Artificiale
Inteligjenca artificiale u përhap në botën e biznesit në vitin 2002, por në vitet e fundit disa kultura të reja të punës kanë lindur brenda fushës. Sipas një raporti të vitit 2016 të Kiplinger, është një nga industritë me rritje më të shpejtë për profesionistët e teknologjisë së lartë.
Autorët e inteligjencës artificiale krijojnë personalitetin dhe gjuhën për robotë artificialisht inteligjentë në mënyra të ndryshme. Kjo është një punë unike ku krijohen shkrime krijuese dhe teknologji.
3) Inxhinierët e Inteligjencës Artificiale
Inxhinierët e Inteligjencës Artificiale i japin kompjuterëve aftësinë për të menduar, mësuar dhe përshtatur, dhe mund të punojnë në një numër fushash të ndryshme duke nisur që nga shëndetësia deri në bujqësi.
4) Menaxher i Projektit të Inteligjencës Artificiale
Menaxherët e projektit të Inteligjencës Artificiale mbikëqyrin projektet që nga ideimi deri në zbatim. Ata punojnë me një ekip që përfshin projektuesit, inxhinierët dhe profesionistë të tjerë të teknologjisë për të hartuar dhe zhvilluar projekte, teste dhe zgjidhje për inteligjencën artificiale.
5) Zhvillues i Aplikacionit
Apple App Store u lançua në vitin 2008, dhe së bashku me lançimin erdhi mundësia që individët të zhvillojnë aplikacionet e tyre.
6) Inxhinierët e makinave automatike
Këta inxhinierë ndihmojnë në zhvillimin e softuerit që do të mundësojë makinat vetë-lëvizëse për të funksionuar në mënyrë sa më të sigurt.
7) Shkencëtar të dhënash
Shkencëtarët e të dhënave përdorin njohuritë e tyre për analiza, statistika dhe programe për të mbledhur, analizuar dhe interpretuar grupe të mëdha të të dhënave. Ata pastaj përdorin këto të dhëna për të ndihmuar biznesin për problemet e ndryshme. Paga mesatare për këtë punë është 140,462 dollarë, sipas Glassdoor. Shkencëtari i të dhënave është një nga pozicionet më të larta në tregun e punës.
m.l/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.