Komisioneri Varhelyi në Rinas: Fuqizimi i fushatës së vaksinimit në Shqipëri është në fokusin e BE-së
Kryeministri i vendit Edi Rama falenderoi Komisionierin e lartë europian, Oliver Varhelyi për mbështetjen për vendin tonë, gjatë konferëncës së përbashkët për mediat në Rinas, në veçanti për vaksinat që KE ka përcaktuar për vendet e rajonit, përfshirë këtu edhe Shqipërinë.
Varhelyi tha gjatë konferencës se fuqizimi i fushatës së vaksinimit të qytetarëve shqiptarë është në fokusin kryesor të BE-së. Ai u shpreh i kënaqur që gradualisht të gjitha vendet po fillojnë të dalin nga pandemia falë vaksinave të mbërritura dhe atyre që do të vazhdojnë të vijnë në vazhdimësi.
“Dëshiroj të falënderoj qeverinë austriake, e cila ka bërë të pamundurën që kjo gjë të bëhej realitet. Ky lloj bashkëpunimi tregon vlerën e skuadrës europiane dhe tregon se çfarë mund të arrijë BE nëse të gjithë bashkohen”, tha komisioneri.
Ai shtoi se Europa e ka ndihmuar Shqipërinë që prej marsit të vitit të shkuar dhe është përpjekur të ndihmojë me gjithçka ka pasur mundësi dhe se ky është momenti për të fuqizuar më tej vaksinimin.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.