Komiteti Teknik: Masat do të vijojnë të mbeten të njëjta – Konfirmohen të prekur me variantin Britanik
Gjatë një konference të mbajtur nga Komiteti Teknik është njoftuar se masat e vendosura do të qëndrojnë të njëjtat deri në një vendim të dytë.
Ministrja e Shëndetësisë u shpreh se se gjatë ditës së nesërme do të vijnë edhe 38400 vaksina të AstraZeneca nga Covax.
Vaksininat e reja do të përdoren për inokulimin e mësuesve, pedagogëve si dhe moshat mbi 80 vjeç.
Manastirliu njoftoi se është përmbushur vaksinimi i personelit shëndetësor. Gjithashtu u dha njoftimi se në shqipëri janë konfirmuar raste të prekurish me versionin britanik.
“Kemi një tendencë të uljes së rasteve të infektimeve ditore, ulje e qëndrueshme por kemi një numër të spitalizimeve dhe fataliteteve të rritura prej muajit janar”, është shprehur Manastirliu.
Numri i infektimeve mbetet shqetësues ku ka një tendencë të rritjes së infektimeve edhe pse vendet europiane kanë një mbyllje të dytë.
“Situata mbetet delikate, e monitoruar dhe mbetet në kontroll. Ka pasur dyshime në incidencën dy javore ku ka pësuar një rënie edhe në rastet ditore gjithashtu edhe rastet aktive kanë pësuar një rënie të lehtë”, u shpreh Komiteti Teknik.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.