Koncesionet që shkatërrojnë mjedisin – Nis projekti për fuqizimin e organizatave mjedisore në mbrojtje të natyrës

Shoqatat mjedisore në vendin tonë  nuk   kanë luajtur rolin e duhur për të parandaluar  abuzimet  e vazhdueshme me natyrën. Ekspertët, nëpërmjet televizionit Scan, shprehen për një nevojë emergjente në forcimin e aktivizimit të tyre në nivel kombëtar për të ndërgjegjësuar dhe parandaluar kontratat korruptive dhe koncesionet  për shfrytëzimin e burimeve natyrore, që vazhdojnë të ngelen shqetësim kryesor.

Sipas kreut të Institutit Për Ruajtjen e Natyrës në Shqipëri,  Nihat Dragoti,  masat e marra së fundmi nga shteti nuk janë të mjaftueshme Dragoti shtoi se  Instituti Për Ruajtjen e Natyrës në Shqipëri  ka nisur  zbatimin e një projekti për fuqizimin e  shoqatave mjedisore dhe shoqërisë civile për mbrojtjen e natyrës projekt i cili   bashkë-financohet me BE në vlerën totale prej 285 mijë euro dhe do të  zbatohet fillimisht në 4 zona sic është ajo e Kune Vain, Shebenik-Jabllanicë, Porto Palermo dhe Divjakë.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.