Konfiskim aseteve të jashtëligjshme – Rama: Do të ketë një ndarje të qartë të bizneseve

Fiskalizimi, digjitalizimi i shërbimeve dhe krijimi i një mjedisi më të mirë për bizneset legjitime do të jenë sfidat ekonomike të qeverisë për vitin 2020. Gjatë fjalës së tij në Forumin Ekonomik të Tiranës, kryeministri Edi Rama theksoi se do të bëhet një ndarje e qartë në trajtim midis bizneseve kriminale dhe sipërmarrjeve të rregullta, dhe çdo aset i vendosur në rrugë ilegjitime, do të konfiskohet.

Edhe Ministrja e Financave, Anila Denaj bëri një pasqyrë të pritshmërive të  ekonomisë gjatë vitit 2020, ku foli edhe për efektet që do të ketë procesi i rindërtimit.

Forumi Ekonomik i Tiranës i cili kishte një pjesëmarrje të gjerë nga qeveria, fusha e biznesit, ambasadorë si dhe përfaqësues të vendeve të rajonit dhe nxori në pah problematika të shumta me të cilat përballet ekonomia e vendit, u mbështet edhe nga Credins Bank.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.