Kujdes me çmimin e inputeve! – Peleshi: Tregtarët të reflektojnë përjashtimin e TVSH-së

Tregtarët duhet ta trajtojnë pa hile vendimin për përjashtimin nga TVSH-ja të inputeve bujqësore, në mënyrë që kjo politikë të shkojë direkt tek fermerët, për uljen e kostove të prodhimit.

Nga ana tjetër Ministria e Bujqësisë do të monitorojë procesin që edhe inputet në stok të shiten më lirë.

Gjatë takimit me tregtarët e inputeve bujqësore, ministri Peleshi theksoi se kjo masë mbështetëse për fermerët do të rrisë konkurrueshmërinë e sektorit bujqësor në rajon si dhe do të reflektohet me rritje eksportesh.

Pak ditë më parë, Kuvendi miratoi buxhetin dhe paketën fiskale për vitin 2019, pjesë e së cilës u bë edhe përjashtimi nga TVSH i inputeve bujqësore.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.