Ligji i ri për Noterinë – PS rrëzon Dekretin e Presidentit, kundër edhe Dhoma Kombëtare

Komisioni parlamentar i Ligjeve ka rrëzuar me votat e mazhorancës dekretin e Presidentit Ilir Meta i cili ktheu për rishqyrtim në Kuvend Ligjin e ri për Noterinë.

Relatorja e Ligjit, Vasilika Hysi, ashtu si dhe kreu i Komisionit Ulsi Manja i quajtën të pabazuara rezervat që ka shprehur Presidenti, të cilat kishin të bënin me pavarësinë e noterëve, me detyrimin që ata të siguronin përgjegjësitë profesionale, dhe mbrojtjen financiare të shtresave në nevojë.

Kundër Dekretit të Presidentit u shpreh edhe kreu i Dhomës së Kombëtare të Noterëve Mimoza Sadushi, sipas së cilës Ligji i ri adreson të gjitha problemet që janë hasur në të shkuarën në këtë sector.

Ligji i ri parashikon pakësimin e numrit të noterëve dhe detyrimin e tyre të mbajnë përgjegjësi profesionale dhe financiare për vendimet që dëmtojnë qytetarët apo bizneset.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.