Lufta kundër kriminalitetit – Debate në Komisionin e Ligjeve për raportimin e Etilda Gjonaj

Debatet politike mes palëve kanë bllokuar të hënën raportimin e Ministres së Drejtësisë Etilda Gjonaj mbi rezultatet e luftës kundër kriminalitetit. Deputeti i Partisë Demokratike Enkelejd Alibeaj akuzoi se anëtarët e Komisionit të Ligjeve nuk kishin marrë paraprakisht një kopje të këtij raporti, pasi Ministrja nuk donte të fliste mbi çështje si ajo e ish-Ministrit të Brendshëm Saimir Tahiri, apo Ministrit aktual Fatmir Xhafaj.

Seanca u ndërpre nga Kreu i Komisionit të Ligjeve Ulsi Manja, i cili kërkoi t’i jepej kohë Ministres së Drejtësisë të përgatiste raportin e detajuar të deputetëve.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.