Lufta ndaj evazionit fiskal – DPT: Qytetarët në mbështetje të administratës

Drejtoria e Përgjithshme e Tatimeve ka njoftuar pak ditë pas shpalljes së Planit të ri për Menaxhimin e Riskut në bare dhe restorante se publiku ka reaguar pozitivisht, duke sjellë pranë Administratës Tatimore denoncime konkrete të rasteve të shkeljes së ligjit.

DPT tha se  i kujton tatimpaguesve që të mos përdorin printera jo fiskalë në vend të faturave tatimore si dhe  inkurajon qytetarët që të mos i pranojnë ato.

Sipas njoftimit është risjell në vëmendje se përdorimi i printerave jo fiskalë është shkelje e legjislacionit tatimor dhe se për tatimpaguesit që konstatohen, penalizimi shkon nga konfiskimi i mallrave gjendje e deri në kallëzim penal ndaj tatimpaguesit që kryen shkeljen.

Në përfundim, DPT kërkon që qytetarët t të vazhdojnë të denoncojnë rastet abuzive në numrin e gjelbër pa pagesë 0800 14 14, në adresën elektronike [email protected], si dhe mesazhe, foto apo filmime në numrin 069 70 73 733.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.