Lundrimet e anuluara nga moti i keq – APD: Biletat do të shtyhen dhe rimbursohen nga kompanitë

Autoriteti Portual Durrës njofton se lundrimet e planifikuara mbrëmjen e datës 28 dhjetor nga Porti i Durrësit në drejtim të Barit(Itali) janë anuluar, si pasojë e kushteve të motit që priten të përkeqësohen në orët në vijim.

Sipas njoftimit agjencitë lundrimore “Duni” dhe “GNV” nëpërmjet komunikimit zyrtar me Dispeçerinë qendrore të APD-së, bëjnë me dije  se tragetet “Aurelia” dhe “Bari” nuk do të nisen në orën 23:00 sipas parashikimit.

Por APD bën me dije se për të gjitha biletat e rezervuara, kompanitë do të kujdesen për shtyrjen (sapo të rinisin lundrimet) ose rimbursimin e plotë të  tyre, sipas kërkesës së udhëtarëve.

“Ju falënderojmë për mirëkuptimin dhe ju ftojmë që për informacione të mëtejshme të vizitoni faqen tonë zyrtare: https://www.durresport.al/…/raporti-ditor-i-trageteve/ “.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.