Manastirliu premton dyfishimin e kapaciteteve në spitale: “Kemi një strategji dhe plan konkret veprimi për të përballuar fluksin”

Ministria e shëndetësisë dhe sistemi shëndetësor ka një strategji dhe plan veprimi konkret për të përballuar shtimin e mundshëm të rasteve me Covid 19. Kështu ka deklaruar ministrja e shëndetësisë, Ogerta Manastirliu gjatë një vizite në njësinë e koordinimit të urgjencës kombëtare, sipas të cilës do të dyfishohen edhe ekipet e terrenit.

“Tirana mbetet vatër e nxehtë, por ndërkohë jemi duke u përgatitur për përgjigjen ndaj situatës në të gjithë vendin. Në këtë moment jemi duke ndërtuar edhe më shumë skuadra mobile për pacientët me COVID19, pra skuadra të lëvizshme të cilat do të ofrojnë ndihmën në banesë sipas protokolleve, sipas gradës së sëmundshmërisë, për ata të cilët do të kenë nevojë për asistencë në shtëpi, apo për transferimin në spital, sipas protokolleve. Përgjatë vjeshtë-dimrit, do të dyfishojmë ekipet tona të terrenit”, tha Manastirliu.

Ministrja Manastirliu u ndal edhe në disa shifra duke thënë se janë rreth 500 thirrje telefonike në ditë në këtë qendër për Covid-19, ndërsa Tirana mbetet vatra kryesore e përhapjes.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.