Maska e detyruar nga dita e nesërme – Rregullat e reja për mbajtjen e maskës dhe përjashtimet

Ministria e Shëndetësisë nëpërmjet një njoftim të mbajtur nga drejtoresha e ISHP-së, Albana Fico ka bërë me dije se nga nesër maska ose barriera mbrojtëse prej tekstili bëhet e detyrueshme në çdo ambient jashtë shtëpisë.

Gjatë njoftimit Fico ka treguar ambientet ku përdorimi i maskës do të jetë i detyrueshëm. Të gjithë personat mbi 11 vjeç do të jenë të detyruar të përdorin maskën sapo dalin nga shtëpia, për gjatë gjithë ditës dhe veprimtarisë jashtë banesës, në çdo dyqan, supermarket apo aktivitet tregtar, në të gjithë mjetet e transportit publik dhe jo publik, gjatë ecjes dhe qëndrimit në ambientet publike, gjatë aktivitetit të punës në gjithë institucionet publike dhe jo publike, në hyrje dhe dalje nga banesa si dhe ashensorë, përpara dhe pas konsumit të ushqimit në bare dhe restorante, në motoçikletë kur nuk keni një person tjetër anëtar të familjes, në të gjitha institucionet fetare.

Nga personat që e kanë kaluar Sars-Cov-2 në mënyrë që të mbrohen nga shkaktarë të ndryshëm infektivë, në institucionet arsimore dhe ato të kujdesit shëndetësor.

Maska mund të modifikohet ose hiqet gjatë vendeve ku kërkohet identifikim si institucione shtetërore ose banka, gjatë ndërhyrjes dentare, si dhe gjatë konsumit të ushqimit ose pijeve, Nga personat që shërbejnë për lutje fetare, nga personat të cilët kanë probleme me dëgjimin dhe të folurin ose në raste të komunikimit. Gjithashtu maska mund të mos përdoret nga të ftuarit në emisione televizive ku respektohet distanca prej 1.5 metra.

Rastet përjashtimiore të maskës janë atëherë kur personat kanë sëmundje që i bëjnë të pa aftë ose kur kanë probleme shëndetësore , gjatë aktiviteteve sportive, në rastet kur personat lëvizin të vetëm me automjete ose motomjete, gjatë aktiviteteve që shkaktojnë lagjen e maskës, në shtëpi,  si dhe për arsye shëndetësore të shoqëruara me vërtetim

Fico ka njoftuar se penalitete për shkelësit do të jenë 3 mijë lekë herën e parë nëse kapen pa maskë si dhe 5 mijë lekë në rast përsëritje.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.