Mbi 8 masa administrative në të gjithë vendin – AKU shton kontrollet dhe monitorimet gjatë 24 orëve të fundit
Trupat inspektuese të Autoritetit Kombëtar të Ushqimit kanë kryer gjatë 24 orëve të fundit 324 inspektime dhe monitorime në të gjithë vendin edhe si pjesë e Task-Forcës Anti-Covid e cila vazhdon të këmbëngulë në zbatueshmërinë e protokollit të sigurisë, si mënyra e vetme për të shmangur përhapjen e virusit.
Sipas AKU gjatë inspektimeve është dhënë ndaj një biznesi masë administrative, për mungesë të etiketimit në gjuhën shqipe, si dhe janë dhënë 7 paralajmërime në biznese të tjera ushqimore, për mungesë të librezave shëndetësore, sistemim të produkteve në ambiente prodhimi, si dhe mungesë të planit 3D.
Ndërkaq sipas njoftimit referuar Planit të Marrjes së Mostrave janë marrë 19 mostra në monitorim të qumështit, por edhe në analizim të fruta-perimeve për mbetje pesticide.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.