Meta në Baku: Marrëdhënia me Azerbajxhanin jo vetëm për TAP-in, Shqipëria e interesuar edhe për investimet në infrastrukturë

Gjatë vizitës në Baku me rastin e 7-vjetorit të Forumit Global të Bakut, Presidenti Ilir Meta foli për rëndësinë e këtij forumi dhe ndikimin e tij në vendin tonë.

I pyetur për rëndësinë e Forumit Global të Bakut, Meta tha se ai ka krijuar një profil të njohur ndërkombëtarisht dhe vjen si një platformë e rëndësishme globale me personalitete të shquara të politikës, biznesit, organeve akademike dhe forumeve rinore. Meta shprehu bindjen se gjatë tre ditëve të Forumit do të fillojnë dhe adresohen shumë ide dhe mendime të vlefshme, të cilat mund të ndikojnë pozitivisht në zhvillimet e ndryshme botërore dhe vlerësoja përfshirjen e rajonit të Ballkanit në një panel të veçantë, duke sjellë në vëmendjen e Forumit dhe të menduarit analitik të sotëm rëndësinë e këtij rajoni në kontekstin e politikave të ndryshme politike dhe zhvillimet gjeopolitike në botë.

Për sa i përket marrëdhënieve me Azerbajxhanin, Meta tha se marrëdhëniet ndërmjet Shqipërisë dhe Azerbajxhanit janë shumë të mira në të gjitha aspektet veçanërisht në bashkëpunimin e sektorit të energjisë duke përmendur kështu kuadrin e projektit TAP (Trans Adriatic Pipeline), i cili ka një ndikim të jashtëzakonshëm në fushën e energjisë dhe që furnizon me gaz në Europën Jugore.

Për projektin në fjalë  ai përmendi se ishte një nga projektet më strategjike që ka pasur ndonjëherë Shqipëria, sepse është edhe hera e parë që vendi përfshihej në hartën botërore të korridoreve të gazit. Sipas Metës, roli i Azerbajxhanit është të diversifikojë burimet energjetike të Shqipërisë duke krijuar premisën që gazi natyror të konsumohet si një burim alternativ i pastër dhe me kosto të ulët nga biznesi dhe nga familjet shqiptare.

I pyetur se në cilat sfera ishin të interesuar kompanitë shqiptare për Azerbajxhanin, Meta tha se përveç energjisë dhe turizmit, vendi ishte i interesuar në investim në infrastrukturën rrugore, aeroportin, portet ose infrastrukturën hekurudhore. Gjithashtu një tjetër sektorë të tjerë të rëndësishëm ishin dhe bujqësia e industria. Meta tha se për të përmirësuar marrëdhëniet mes dy vendeve ishte e nevojshme që investitorët dhe operatorët turistike të ndajnë ide konkrete dhe të bashkë financojnë projekte.

Burimi:azernews.az

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.