Ministria e Financave dhe ISHMT inspektojnë qendrat tregtare në Tiranë! Kontroll produkteve ushqimore dhe jo-ushqimore
Zëvendësministrja e Financave dhe Ekonomisë Belinda Ikonomi dhe Kryeinspektori i ISHMT-së Lavdrim Sahitaj në kuadër të ndërgjegjësimit të biznesit dhe publikut kanë inspektuar një prej qendrave tregtare në kryeqytet duke u fokusuar jo vetëm në sigurinë ushqimore por edhe ato jo ushqimore në veçanti ashensorët.
“ Rregullat teknike lidhen kryesisht me sigurinë e konsumatorëve dhe cilësinë e standardeve që në synojmë të arrijmë. Pas ndryshimeve të fundit ligjore, mbi ashensorët e rinj dhe ato që janë në përdorim të miratuara këtë muaj, ISHMT po ushtron kontrolle për zbatimin e kushteve teknike nga ana e instaluesve, mirëmbajtësve dhe ndërtuesve, të cilët kanë nën përgjegjësinë e tyre këto pajisje”, është shprehur Ikonomi.
Ndërsa Sahitaj theksoi se rregullta teknike, mënyra e certifikimit, shërbimet e mirëmbajtjes, si dhe inspektimet periodike kanë për qëllim regjistrimin e çdo ashensori, deklaratën e konformitetit sipas standardeve, si dhe funksionimin sipas kushteve teknike.
ISHMT aktualisht është duke kryer inspektime në të gjithë vendin, ndërsa i bën thirrje personave përgjegjës dhe importuesve të marrin masa për plotësimin e kritereve teknike dhe inxhinierike të instalimeve.
Ekzaminimi i plotë i ashensorëve ekzistues, të vendosur në shërbim pritet të përfundojë në 31 dhjetor 2020.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.