Ministria e Shëndetësisë apel atyre që janë mbi 70 vjeç: Kontakto mjekun e familjes për të planifikuar vaksinimin antiCOVID
Qeveria ka njoftuar nisjen e një procesi vaksinimi masiv në vend. Me ardhjen e 192 mijë dozave të vaksinës së prodhuar nga kompania kineze Sinovac, numri i vaksinimeve në ditë do të rritet. Plani është që të arrihet në 10 mijë vaksinime në ditë.
Në këto kushte, Ministria e Shëndetësisë u ka bërë apel atyre qytetarëve që janë mbi 70 vjeç që të kontaktojnë mjekun e familjes që të caktojnë ditën e vaksinimit. Pas regjistrimit, ata do të njoftohen për ditën dhe orën e vaksinimit nga vetë mjeku i familjes.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.