Moti bën ‘kthesë’ – SHMU: Dielli i mëngjesit do të pasohet nga vranësira dhe reshje lokale
Shërbimi Meteorologjik ushtarak njofton se për ditën e enjte moti do të nisë i kthjellët në pjesën më të madhe të territorit e gradualisht në mesditë do ketë vranësira në zhvillim të cilat do të pasohen nga reshje lokale shiu ne formën e shtrëngatave afatshkurtra kryesisht përgjatë zonave malore dhe kodrinore të vendit.
Sipas njoftimit era do të fryjë nga veriperëndimi me shpejtësi mesatare 2-6m/s, e hera- herës përgjatë vijës bregdetare dhe në momentin e zhvillimit të vranësirave era fiton shpejtësi deri në 10-12m/sek, shoqëruar me valëzim në dete të forcës 3 ballë.
Temperaturat parashikohen në:
- zonat malore 12°C deri në 27°C
- zonat e ulëta 17°C deri në 32°C
- zonat bregdetare 15°C deri në 31°C.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.