Mungesë higjiene dhe tregtim produktesh shtazore të skaduara dhe pa vulë kontrolli– AKU bllokon dhe gjobit me 1.7 milion lekë 5 subjekte

Autoriteti i Kontrollit Ushqimor, ka njoftuar së gjatë inspektimit të 5 subjekteve me aktivitet “Supermarket”, “Pastiçeri”, “Njësi tregtimi”, “Restorant” dhe “Magazinë ushqimore” në qarkun Tiranë, Dibër, Korçë dhe Shkodër, ka konstatuar: hedhje në treg të produkteve të pasigurta për konsum human (produkte me origjinë shtazore me ngarkesë mikrobiologjike, produkte me origjinë jo shtazore me afat të kaluar përdorimi, si dhe produkti “mish” pa vulë dhe certifikatë veterinare), kushte të papërshtatshme higjiene-sanitare, si dhe veprim në kundërshtim me përgjegjësitë e Operatorit të Biznesit.

Sipas njoftimit për shkeljet e evidentuara, trupa inspektuese ka ndërmarrë masat administrative si në vijim: 6 masa administrative “Gjobë” me vlerën totale 1.7 milion lekë për 5 subjektet, “Ndërprerja e aktivitetit” për 1 subjekt, si dhe “Bllokim i produktit” me destinacion asgjësimin për 65.5 kg produkte të pasigurta (17.8 kg produkte me origjinë shtazore me ngarkesë mikrobiologjike, 28.7 kg produkte me origjinë jo shtazore me afat të kaluar përdorimi, si dhe 19 kg mish pa vulë dhe certifikatë veterinare).

E.S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.