Ndryshimi i vendbanimit- Pse u pezullua gjoba edhe për 6 muaj për ata që s’e kanë bërë deklarimin ende?
Me propozimin e Ministrisë së Brendshme, Këshilli i Ministrave ka miratuar pak kohë më parë ndryshime në ligjin e gjendjes civile. Në listën e ndryshimeve është edhe një dispozitë kalimtare që u jep edhe 6 muaj kohë atyre që nuk kanë bërë ende deklarimin e vendbanimit të tyre.
Ligji parashikonte një gjobë 10 mijë lekë për ata që nuk e kanë kryer këtë veprim në fushatën e realizuar pak muaj më parë.
Në relacionin e nismës së depozituar në Kuvend, pranohet se rritja e vlerës së gjobës në vitin 2016 nuk solli efektet e pritshme në ndërgjegjësimin e shtetasve për deklarimin e ndryshimit të vendbanimit.
“Pezullimi për gjashtë muaj i aplikimit të kësaj mase administrative konsiderohet një mundësi, shtysë tjetër për ndërgjegjësimin e atyre shtetasve që nuk kanë deklaruar vendbanimin aktual, përmendim këtu shtetasit shqiptarë që jetojnë jashtë territorit të Republikës së Shqipërisë, të cilët nuk kanë pasur informacionin e duhur për detyrimin ligjor të deklarimit të vendbanimit” shkruhet në relacion.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.