Ndryshon buxheti 2021/ Shtohet fondi rezervë. Paratë shkojnë për naftëtarët, zgjedhjet dhe investimet strategjike

Pak javë pas hyrjes në fuqi, Këshilli i Ministrave ka bërë ndryshimin e parë në buxhetin e vitit 2021. Referuar vendimit të publikuar në Fletoren Zyrtare, shpenzimet nga 458  320  milionë  lekë do të bëhen  460 740 milionë lekë si rrjedhojë e shtimit të fondit rezervë. Në fondin rezervë të buxhetit, ka një rritje me 1 miliardë lekë.

Po ashtu, në vendim detajohet shpenzimi për fondin rezervë të buxhetit të shtetit.

“Fondi   rezervë   prej   5   000   milionë   lekësh përdoret  me  vendim  të  Këshillit  të  Ministrave për: –    raste    të    paparashikuara    të    njësive    të qeverisjes   së   përgjithshme,   në   masën   3   000 milionë  lekë,  nga  i  cili  462  milionë  lekë  për pagesën e naftëtarëve; 

përballimin   e   kostos   së   zgjedhjeve   për Kuvendin  të  vitit  2021,  në  masën  1  000  milionë lekë;  hartimin   e   studimeve   të   projekteve   të investimeve  publike  strategjike,  në  masën  1  000 milionë lekë.

Kontingjenca  për  risqet  e  borxhit  prej  4  500 milionë  lekësh  përdoret  nga  ministri  përgjegjës për    financat    për    të    kompensuar    rreziqe potenciale  nga  luhatjet  në  kurset  e  këmbimit  ose normat e interesit, me ndikim në shpenzimet për interesa” përcaktohet në vendim.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.