Në 2018 pritet të dalin në treg smartphonet që ngarkohen me bateri të plotë për vetëm 5 minuta

Vitin e ardhshëm pritet të dalin në shitje telefonat të cilët ngarkohen me bateri të plotë për vetëm 5 minuta.

Teknologjia u prezantua në 2015-ën nga një startup Izraelit i quajtur StoreDot në konferencën CES. Shefi ekzekutiv i startupit tha se teknologjia pritet të hyjë në prodhim komercial duke filluar nga viti i ardhshëm.

Ai shpjegoi se bateritë e firmës së tij kishin materiale të cilat kryenin reaksione jo tradicionale duke bërë të mundur një transferim të shpejtë të joneve nga anoda në katodë, një proces i cili ngarkon baterinë.

“Ne do të ngarkojmë një telefon inteligjent në vetëm pesë minuta,” tha Myersdorf. Ai shtoi se teknologjia është duke prodhuar aktualisht në Azi por për qëllime testimi.

Duke parë ndryshimet e vogla që telefonat kanë pësuar nga njëri model në tjetrin, duhet theksuar se karikimi i baterisë për vetëm 5 minuta do të jetë një risi.

Pritshmëritë do të jenë të larta, por ene nuk ka asnjë hipotezë sa sa një telefon i tillë mund të kushtojë.

Viola Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.