Në sistem kanë mbetur vetëm 2/3 e gjyqtarëve – Takim i përbashkët mes KLP e KLGJ për zgjidhjen e ngërçit të mungesës së magjistratëve

Menaxhimi i mungesës së gjyqtarëve e prokurorëve për shkak të shkarkimeve të shumta do të jetë një sfidë me të cilën sistemi gjyqësor do të përballet gjatë, edhe pas reduktimit të gjykatave me hartën e re gjyqësore.

Këshilli i Lartë Gjyqësor dhe ai i Prokurorisë kanë zhvilluar të mërkurën mbledhjen e parë të përbashkët ku adresuan pikërisht çështjen e mungesës së magjistratëve.

Kryetarja e Këshillit të Lartë Gjyqësor Naureda Llagami tha se aktualisht në sistem kanë mbetur vetëm dy të tretat e gjyqtarëve të parashikuar me ligj, ndërkohë që gjendja më e rëndë paraqitet në apele.

Kryetari I Këshillit të Lartë të Prokurorisë Gent Ibrahimi tha se duhet bashkëpunim më I ngushtë mes dy organeve për të adresuar pasojat e Vetting-ut.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.