Nënshkruhet memorandumi mes Shqipërisë, Bullgarisë dhe Maqedonisë së Veriut për transportin e qëndrueshëm

Ministrja e Infrastrukturës dhe Energjisë, Belinda Balluku ka njoftuar nga Sofja nënshkrimin e memorandumit tripalësh mes Shqipërisë, Bullgarisë dhe Maqedonisë së Veriut për transportin e qëndrueshëm në Korridorin e VIII.

“Dakordësuam me homologët për krijimin e një axhende të përbashkët për të promovuar këtë Korridor, i cili i shërben jo vetëm tri vendeve tona, por të gjithë Ballkanit Perëndimor”, është shrpehur Balluku.

Sipas informacionit projektet e Qeverisë Shqiptare në hekurudhë, infrastrukturë rrugore dhe porte do të bëjnë të mundur, jo vetëm ofrimin e një transporti të qëndrueshëm e mbi të gjitha të sigurt, por do të rrisë konektivitetin duke u afruar më tepër drejt integrimit në rrjetin europian të hekurudhave.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.