Nga pagesat tatimore mbi qiranë, tek pasaktësitë në deklarime – Ja ku do të fokusohen kontrollet nga zyra
Forcimi i kontrollit nga zyra ishte edhe fokusi i diskutimit në mbledhjen e përmuajshme të zhvilluar nga Drejtoria Kontrollit Tatimor mbi ecurinë e detyrave të përcaktuara për Drejtoritë Rajonale të vendit.
Sipas Administratës Tatimore, kontrolli nga zyra po orientohet në përmbushjen e tre objektivave kryesorë, që përfshijnë:
Realizimin e pagesave të detyrimeve tatimore për Tatimin mbi Qiranë nga tatimpaguesit e regjistruar, për të cilën Administrata Tatimore ka nisur verifikimet përkatëse në terren
Rritjen e nivelit të përmbushjes tatimore nga tatimpaguesve që operojnë në sektorin ndërtimit dhe tregtimit të karburanteve, të cilët kanë deklaruar ulje të qarkullimit
Verifikimin e atyre tatimpagues, të cilët kanë paqartësi apo pasaktësi në deklarimet e tyre dhe që janë importues në dogana, por rezultojnë pasivë në tatime; atyre që blejnë tek bizneset me status pasiv, si dhe ata që figurojnë me mosdeklarim të saktë të shitjeve
Ndërkohë, DPT ka miratuar dje edhe manualin e kontrollit nga zyra, i cili do të nisë zbatimin nga 1 janari i vitit të ardhshëm.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.