Një nga shkeljet kibernetike më të mëdha në historinë e SHBA-së – Dënohet hakeri rus i cili vodhi të dhënat e 117 milion përdoruesve
Një haker rus u dënua me më shumë se shtatë vjet burg në SHBA për vjedhje të dhënash të 117 milion përdoruesve të LinkedIn, Dropbox dhe shkatërrim të faqes të mediave sociale Formspring, sipas prokurorëve federalë.
Yevgeniy Nikulin, 32 vjeç, u dënua në korrik pas një çështje gjyqësore gjashtë-ditore në San Francisco ku thuhej se ishte një nga shkeljet më të mëdha të të dhënave në historinë e SHBA-së.
Prokurorët thanë se ndërsa ishte në Moskë, Nikulin, përvetësoi të dhënat në kompjuterët e kompanisë dhe instaloi malware në to, gjë që e lejoi atë t’i kontrollonte ato në distancë dhe të shkarkonte bazat e të dhënave të përdoruesve, duke përfshirë fjalëkalimet e koduara.
Ai u arrestua ndërsa udhëtonte në Republikën Çeke në 2016 dhe u ekstradua në SHBA. Gjyqi i tij ishte i pari në Kaliforninë Veriore që nga fillimi i pandemisë së koronavirusit.
Duke dënuar Nikulin me 88 muaj burg, gjykatësi amerikan William Alsup tha se ai po përpiqej t’u dërgonte një mesazh parandalimi hakerave, përfshirë ata që veprojnë jashtë vendit, sipas një deklarate të lëshuar nga Avokati i SHBA-së në San Franciskos, David Anderson.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.