Një rrugë e re për “Shën Thanasin” – Bashkia shpall tenderin për Elbasanin/ Detajet

Bashkia Elbasan ka shpallur një tender me fond 8.3 milionë lekë, për rikonstruksionin e rrugës në lagjen “5 maj”. Kjo rrugë përkon me atë të kishës “Shën Thanasi”.

“Kjo rrugë është e pashtruar me asfalt. Nga asfalti kanë ngelur vetëm gjurmë dhe është gjithë gropa dhe bëhet shumë e vështirë të kalosh në raste shiu për këmbësorët dhe për makinat” shkruhet në detajet e tenderit.

Projekti i shpallur në Agjencinë e Prokurimit Publik do të qëndrojë i hapur deri më 23 shkurt dhe sipas detajeve, ka një afat kohor për ekzekutim prej 2 muajsh, që nga nënshkrimi i kontratës me subjektin fitues.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.