Njihuni me të ngjashmit e “iPhone X” që kushtojnë vetëm 40 dollarë

Në Kongresin Botëror të Celularëve në Barcelonë, një numër i madh kompanish prezantuan “smartphonet” që kanë karakteristika pothuajse të njëjta me pajisjen 999 dollarëshe të “Apple”, iPhone X, por të vlerësuar me një çmim shumë më të ulët.

Ja një vështrim në disa nga sfiduesit e iPhone X.

Blackview A30

“Shenzhen Doke Electronics Co” është firma pas këtij celulari të ngjashëm me iPhone X. Pajisja nuk është prodhuar akoma, por përfaqësuesit e firmës thanë se do të jetë gati gjatë këtij viti. Madje, pajisja kishte një printim të faqes së parë të iPhone në ekran, për shkak se kompania nuk kishte ende një prototip të gatshëm. Sistemi operativ do të jetë “Android Go”, version ky më pak intensiv i sistemit operativ të “Google”. Celulari do të kushtojë 40 dollarë.

Noa N10

Firma kroate “Hangar 18” prezantoi “Noa N10”, një celular me ekran 6.2 inç, ekran ky më i madh se ai prej 5.8 inç i iPhone X. Njësoj si iPhone X, ky “smartphone” ka një kamerë të dyfishtë në pjesën e pasme dhe ekran “full high-definiton”. Noa N10 ka veçorinë e zhbllokimit të telefonit më anë të skanimit të fytyrës që quhet “Face ID”. Telefoni do të kushtojë rreth 360 dollarë.

Doogee V5

“Doogee” është një tjetër prodhues kinez celularësh që merr “shënime” nga “Apple”. “V5” është oferta e tyre e fundit dhe ky celular ka një ekran prej 6.2 inç. “Doogee” ka arritur të vendosë një sensor të gjurmëve të gishtave në pjesën e poshtme të ekranit, duke lejuar këtë të fundit të jetë më i madh. Kompania nuk ka njoftuar ende një çmim për pajisjen.

Leagoo S9

Një tjetër celular me dizajn të ngjashëm me “iPhone X” është “Leagoo S9”. Është prodhuar nga firma kineze “Leagoo” dhe ka ekran me madhësi 5.85 inç. Sistemi operativ është “Android” dhe kushton 125 dollarë.

Wiko View 2 Pro

“Wiko View 2 Pro” nuk e kopjon tërësisht dizajnin e “iPhone X” por ka gjurmë të tij. Ndër karakteristikat më të mira të tij përfshihet zhbllokimi me anë të skanimit të fytyrës dhe kamera e dyfishtë. Ai kushton 365 dollarë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.