Panairi i Karrierës – Universiteti Bujqësor i Tiranës afron studentët me biznesin

Universiteti Bujqësor i Tiranës  për të tretin vit radhazi organizon Panairin e Karrierës.   Mbi 250 studentë, çdo vit, përmes këtij panairi  gjejnë mundësinë për  punësim duke krijuar kontakte te  drejtpërdrejta  me  biznesin. I pranishëm në çeljen e këtij panairi ishte dhe kreu  i kuvendit Gramoz Ruçi i cili premtoi mbështetje  nga ana e qeverisë  për sektorin Bujqësor, gjë e cila sipas Rucit  do të ndikojë edhe në   rritjen e fuqisë së diplomave që lëshohen nga ky universitet  për tregun e punës.

Për rektorin e universitetit  Bari Musabelliu  kjo është një mundësi e mirë që ofron UBT si për studentet  për tu punësuar po ashtu edhe  për  kompanitë pjesëmarrëse të cilët kanë mundësinë për  të  përthithur  njerëz të specializuar duke plotësuar edhe kërkesat e tregut.

Në panairin e karrierës  marrin pjesë çdo vit rreth 14 mijë studentë dhe mbi  45 kompani biznesi të profileve të ndryshme. Në fund të ceremonisë, UBT firmosi memorandum me kuvendin e Shqipërisë dhe një marrëveshje  me biznesin për forcimin e bashkëpunimit mes tyre .

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.