Paradoksi i roaming – Tarifat ne rajon jane me te lira se ato kombetare
Qe nga 1 korriku i vitit te kaluar, hyri ne fuqi faza e pare e uljes se tarifave roaming mes vendeve te Ballkanit Perëndimor. Sipas marrëveshjes, tarifat maksimale per përdoruesit shqiptare ne roaming deri ne 1 korrik 2021 do te jene 28.5 leke per minute dhe 9 leke per sms. Nga 1 korriku 2021 te gjitha tarifat shtese do te hiqen dhe përdoruesit shqiptare qe përdorin roaming ne vendet e rajonit do te paguajnë çmime te njëjta si ne Shqipëri.
Por, ndërkohe qe tarifat roaming janë rregulluar, ka një paradoks: tarifat standarde te thirrjeve dhe SMS-ve janë me te larta ne Shqipëri sesa ne roaming. Ne thelb, këto tarifa nuk kane ndryshuar prej me shume se 10 vjetësh. I vetmi rregullim u be ne vitin 2014, per te reflektuar vendimin e AKEP qe ndalonte diferencimin e thirrjeve brenda rrjetit me ato jashtë rrjetit. Por, kjo solli vetëm njehsim, por jo reduktim te nivelit me te ulet te tarifës standarde te thirrjeve. Kështu, tarifat standarde thirrjeve sot variojne nga 29 deri ne 39 leke per minute, ndërsa mesazhet e shkruara nga 12 deri ne 16 leke per SMS.
Praktikisht, përdoruesit me parapagese te telefonisë celulare prej pothuajse një dekade nuk komunikojnë me me tarifa standarde, por me paketa. Operatoret konkurrojnë përmes me paketave, me qellim sigurimin e një te ardhure te minimale mujore per çdo përdorues, ndërsa tarifat standarde ngelen te pandryshuara.
Ky problem është evidentuar shpesh ne vitet e fundit edhe nga Autoriteti i Konkurrencës, qe i ka kërkuar shprehimisht AKEP adresimin e tij. Deri me sot, AKEP jo vetëm qe nuk është marre me ketë çështje, por nuk ka miratuar masa te reja rregullatore ne tregun e telefonisë celulare prej rreth gjashte vjetësh. Sjellja e AKEP është ne shkelje flagrante te nenit 31 te ligjit “Per komunikimet elektronike”, qe parashikon se analiza e tregjeve dhe marrja e masave rregullatore duhet bërë të paktën një herë në dy vjet.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.