“Parashikimi i Gjeoshkencave, situata nga përmbytjet më e rëndë se 2015!”, Prençi për SCAN: Pasdite priten reshje me intensitet të lartë
“Sipas parashikimeve nga Instituti i Gjeoshkencave, situata e shkaktuar nga reshjet pritet të jetë më e rëndë se në vitit 2015”. Kështu është shprehur në një prononcim për “SCAN”, drejtori i Emergjencave Civile, Shemsi Prençi ku më tej shtoi se gjatë pasdites priten reshje me intensitet më të lartë, ndaj i ftoi qytetarët që të shmangin udhëtimin me mjetet e tyre për qëllime biznesi dhe qëllime të tjera, përveç rasteve emergjente.
“Sipas parashikimeve nga Instituti i Gjeoshkencave, situate pritet të jetë më e rëndë se e vitit 2015. Gjatë pasditet priten reshje me intensitet më të lartë. Qytetarët të shmangin udhëtimin me mjetet e tyre për qëllime biznesi dhe qëllime të tjera, përveç rasteve emergjente”, tha Prençi.
Nga ana tjetër, Prençi theksoi rëndimin e situatës dhe me daljen e lumenjve nga shtrati. “Pritet dalja nga shtrati e lumit Vjosë, Seman dhe Shkumbin”, tha kreu i Emergjencave Civile.
Gjatë këtij prononcimi, Premçi theksoi se për situatën e krijuar mbrëmë janë evakuuar rreth 39 familje, si dhe shumë persona që po udhëtonin me mjetet e tyre apo ishin pranë bizneseve të tyre.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.