PD braktis Këshilli Bashkiak – Veliaj, akuza ndaj kryetarit të PD, Lulzim Basha

Këshilli Bashkiak i Tiranës u mblodh pasditen e së premtes për të diskutuar programin buxhetor afatmesëm 2019-2021 dhe buxhetin e vitit të ardhshëm, kreditë e buta dhe projektvendimin për ndryshimin në sistemin e taksave dhe tarifave vendore. Por, këshilltarët e Partisë Demokratike nuk kanë marrë pjesë në mbledhje, ndërsa jashtë ambienteve të Bashkisë i janë bashkuar protestës së banorëve të prekur nga projekti i “Unazës së Madhe”.

Ndërkohë, punimet e Këshillit Bashkiak filluan me një fjalim të gjatë të kryetarit të Bashkisë, Erion Veliaj, i cili iu kundërpërgjigj akuzave të Partisë Demokratike për përfshirjen e tij në projektin e Unazës së Madhe.

Më tej, Veliaj akuzoi kryetarin e Partisë Demokratike, Lulzim Basha, se kur ishte kryetar i bashkisë, jo vetëm që i kishte dhënë leje vetes për ndërtimin e një kati të 13-të në pallatin ku banon, por nuk ka paguar as taksën e ndërtimit në infrastrukturë.

Sink Erion Veliaj-Kryetar i Bashkisë së Tiranës

Lidion Kulla/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.