PD mbledh aleatët, Basha: “Rama kryeministër në ikje, beteja për votën e lirë vazhdon”
Ka ardhur menjëherë reagimi i partisë demokratike pas votimit në sallën e kuvendit, kryedemokrati Lulzim Basha së bashku me partitë aleate, tha se Rama gënjeu shqiptarët pasi listat janë të hapura vetëm pjesërisht. Por pavarësisht kësaj Basha tha se opozita do të vijojë betejën për zgjedhjet të lira e të ndershme.
I menjëhershëm reagimi i opozitës së bashkuar pas votimit në parlament. Pas një takimi mes gjithë partive opozitarë në selinë e PD, Lulzim Basha ka folur edhe për mediat duke e konsideruar si gënjeshtër të Edi Ramës, pasi listat happen vetëm në fund. Basha duke e konsideruar Edi Ramën kryeministër në ikje, tha se opozita do të vijojë betejën e fortë për zgjedhje të lira e të ndershme.
“Kuvendi gjysmak tregoi se është çirak i interesit politik të Edi Ramës. Qytetarëve s’po u jepen listat e hapura, pasi janë të hapura vetëm nga fundi i tyre. Edi Rama refuzoi hapjen e 100% të listave dhe mos prekjen e koalicioneve. Ata shkelën me këmbë konsensusin dhe Kushtetutën.
Kurrë më parë në historinë 30 vjeçare të pluralizmit kushtetuta nuk është ndryshuar pa konsensusin e opozitës dhe në mënyrë të njëanshme. Kurrë më parë rregullat nuk janë vendosur nga partia në pushtet.
Kurrë më parë në mënyrë kaq brutale, një kryeministër nuk ka vendosur Akti i sotëm është treguesi i fundit, se ai e di që koha e tij po mbaron. . Ai ka humbur besimin e shqiptarëve dhe e vetmja mënyrë që i ka mbetur është të manipulojë sistemin duke menduar të zgjasë agoninë e pushtetit të tij. Ndryshimet e njëanshme nuk janë të detyrueshme për opozitën dhe për qytetarët, janë të papranueshme. Makinacionet nuk kanë për ta ndaluar ndryshimin politik. Koalicioni ynë është me njerëzit, ne jemi bashkë për të bërë këtë ndryshim.” – u shpreh z.Basha.
Mes të tjerash kryedemokrati tha se nuk do të lejohet kthimi pas në partinë shtet sin ë periudhën e komunizmit.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.