Pension në banesë kundrejt një tarife – Posta Shqiptare, apel pensionistëve që të aplikojnë
Pensionistët që duan ta marrin pensionin në banesë duhet të aplikojnë pranë Postës Shqiptare që t’u mundësohet ky shërbim kundrejt një tarife minimale prej 100 lekësh. Gjatë periudhës së gjendjes së jashtëzakonshme, Posta Shqiptare ka mundësuar shpërndarjen e pensioneve në shtëpi, falas, por tashmë me vijimin e shtimit të rasteve me COVID-19, bën apel që mosha e tretë të mos grumbullohet në sportele për të shmangur rrezikun e infektimit.
Nga ana tjetër, për ata që zgjedhin ta marrin pensioni në sportele, u bëhet apel që të ruajnë distancën dhe të pajisen me maska.
Kohët e fundit janë vënë janë vënë re grumbullime të mëdha pensionistësh në sportelet e Postës Shqiptare, të cilët nuk ruajnë distancat fizike dhe rrezikojnë të infektohen.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.