Polakët dhe amerikanët, “të joshur” nga Shqipëria/ Greqia, 60.000 vizita më pak në vend

Polakët dhe amerikanët kanë qenë “më të joshurit” për të vizituar Shqipërinë, në 2021! Sipas raportit më të fundit të Institutit të Statistikave, në periudhën janar – korrik 2021, Polonia ka pasur rritjen më të madhe të hyrjeve në vend, me afro 5%, ndërsa më tej, Shtetet e Bashkuara të Amerikës, me afro 4%.

Referuar Instat, në janar – korrik 2021, hyrjet e polakëve në Shqipëri janë 56.198. Thënë ndryshe, 44.807 më shumë se për të njëjtën periudhë të 2020. Ndërkaq, në këtë 7 mujor, shtetasit amerikanë të hyrë në vendin tonë numërohen 50.980, nga 11.807 në janar – korrik 2020.

Ndërkaq, Greqia është shteti me uljen më drastike të vizitave në territor, me një rënie me afro 41%. Sipas Instat, në 7 mujorin e parë të 2021, hyrja e shtetasve grekë në vend është 85.836. Në total, 60.252 më pak se në të njëjtën periudhë të 2020.

Në një panoramë të përgjithshme, numri i shtetasve të huaj të hyrë në Shqipëri gjatë shtatëmujorit të 2021, është 2.846.881, duke u rritur me 2.4%, në krahasim me të njëjtën periudhë të vitit 2020.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.