Policia vë në pranga 9 shtetas – Kryenin aktivizim të paligjshëm të paketave promocionale

Nëntë shtetas janë ndaluar nga Policia për kryerje aktiviteti të jashtëligjshëm të rimbushjes dhe aktivizimit të paketave promocionale të një kompanie telefonike.

Seksioni për Hetimin e Krimit Ekonomik dhe Financiar në DVP Tiranë në bashkëpunim me Prokurorinë e Rrethit Gjyqësor Tiranë, pas një pune intensive hetimore 8 mujore, në kuadër të procedimit penal të vitit 2018, finalizoi operacionin policor të koduar “Çentralisti” ku u ndaluan shtetasit:

1. F., 36 vjeç, banues në Tiranë
2. V., 30 vjeç, banues në Fier
3. K., 33 vjeç, banues në Tiranë
4. A., 27 vjeç, banues në Tiranë
5. B., 35 vjeç, banues në Tiranë
6. D., 34 vjeç, banues në Tiranë
7. S., 22 vjeç, banues në Tiranë
8. G., 38 vjeç, banues në Tiranë
9. O., 25 vjeç, banues në Tiranë

Autorët përdornin aplikacioni dhe platforma të kundraligjshme për kryerjen e rimbushjeve. Ata kanë realizuar vjedhje duke shpërdoruar detyrën në postet e tyre të punës pranë një kompanie Call Center-i në kryeqytet, duke i shkaktuar kompanisë telefonike një dëm prej 510 000 euro. Krahas tyre, Policia njofton se po procedohen në gjendje të lirë edhe 5 shtetas, ndërsa janë shpallur në kërkim 6 të tjerë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.