PPP-të me ofertë të pakërkuar – Luçi: Arsyet pse ligji hyn në fuqi në muajin Korrik

Ministria e Financave është duke hartuar një ligj që i vë ‘fre’ lidhjes së kontratave me Partneritet Publik Privat në sektorë më rëndësi të lartë, përmes ofertës së pa kërkuar.

Por megjithëse puna ka nisur që në fund të viti që lamë pas, është parashikuar që ky ligj të hyjë në fuqi në Korrik të 2019. Zëvëndësministri i Financave, Erion Luçi, sqaron për SCAN se pse është lënë një afat kohe më shumë se 6 mujor, ku sipas tij tentohet të shmanget një përplasje me projektet që aktualisht janë në zbatim.

Luçi argumenton se ligji ka edhe efekt prapaveprues dhe miratimi i tij më shpejt se muaji Korrik, do të ishte surprizë e pakëndshme për investitorët. Propozimet me ofertë të pa kërkuar janë ngritur si shqetësim edhe nga Fondi Monetar Ndërkombëtar, me argumentin se ka hapësira për abuzime.

Muajin që lamë pas qeveria ka vendosur që të mos pranojë më oferta të pa kërkuara në koncesionet për infrastrukturën rrugore.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.