Procesi i integrimit, Mogherini: 2019, vit i suksesshëm për Shqipërinë

201 do të jetë një vit i suksesshëm për Shqipërinë, deklaroi nga Brukseli përfaqësuesja për Politikën te Jashtme në BE, Federica Mogherini në një konferencë të përbashkët me ministrin e Jashtëm Ditmir Bushati.

“Shqipëria vazhdon të luajë një rol konstruktiv në rajon. Kemi qenë të vendosur për t’i dhënë prioritet operacioneve në fushën e sigurisë. Marrëveshja mes vendeve të Ballkanit perëndimor dhe Europës është strategjia me të cilën po ecin vendet. Ne do të vazhdojmë të punojmë me Shqipërinë për të plotësuar të gjitha kushtet. Ne mbetemi të vendosur që 2019 të jetë vit i suksesshëm për Shqipërinë ashtu siç dëshirojnë qytetarët shqiptarë”.

“Gjatë diskutimeve pata mundësi që të rikonfirmoj qëndrimin e qeverisë shqiptare, gatishërinë e Ramës për të mbajtur hapur derën e dialogut me të gjitha aktorët politikë parlamentar dhe aktorët e tjerë institucional në funksion të jetësimit të prioriteteve që janë të rëndësishme për fatet e vendit. E kam fjalën për reformën zgjedhore dhe avancimin më të shpejtë të reformës në drejtësi”, deklaroi Bushati.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.