Publikohen në e-Albania 13 taksat që bizneset mund të paguajnë online

Bizneset tashmë mund të paguajnë online në portalin qeveritar e-Albania një sërë detyrimesh tatimore. 13 shërbime të reja elektronike të Drejtorisë së Përgjithshme të Tatimeve të paralajmëruara më herët janë publikuar sot në portalin e-Albania.

Shërbimet tatimore përfshijnë pagesat për:

1. Tatim mbi të Ardhurat Personale të Biznesit të Vogël
2. Tatim i Lojërave të Fatit
3. Tatim mbi të Ardhurat nga Punësimi
4. Tatim i Mbajtur në Burim
5. Tatim mbi Vlerën e Shtuar
6. Tatim i Thjeshtuar mbi Fitimin
7. Tatim Fitimi
8. Tatim mbi të Ardhurat Personale
9. Taksat Kombëtare
10. Tarifat Kombëtare
11. Renta minerare
12. Kontributet e sigurimeve shoqërore dhe shëndetësore
13. Detyrime globale/Penalitetet

Sipas kryeministrit Edi Rama, me shtimin e këtyre shërbimeve reduktohen mundësitë për korrupsion, radhët e gjata si dhe humbjet e kohës. Ndërkohë, ka shtuar më tej se vijon puna dhe rezultatet do të ndjehen në të gjitha shërbimet e administratës për qytetarin dhe biznesin.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.