Punësimet në administratë, Strakosha: Mbi 1000 të emëruar me kontratë për vitin 2017

Numri i punonjësve të emëruar me kontratë gjatë vitit që lamë pas ishte 1005. Këtë shifër e ka bërë publike Komisionerja për Mbikëqyrjen e Shërbimit Civil, Pranvera Strakosha e cila theksoi se ky numër është vetëm për 77 institucionet që janë mbikëqyrur.

Gjatë shqyrtimit të raportit vjetor për 2017 Strakosha renditi një sërë problematikash në këtë sektor që kanë të bëjnë me arsimimin e të punësuarve në shtet.

E pyetur nga deputetët e opozitës se sa është vlera financiare që duhet të paguaj shteti për punonjësit që kanë fituar gjyqin për vendin e punës, Strakosha u shpreh se nuk ka informacion.

Ndërkohë që pikëpyetjes së ngritur nga deputetja Dhurata Çupi për pagesën e tre personave për një pozicion pune, Strakosha u shprehe se nga të dhënat që ajo ka nuk ekziston një gjë e tillë.

Ndërsa numri i punonjësve civil të përfshirë në lista si kandidat për zgjedhjet e 2017 është 37, të raportuar nga Komisioneri për Mbikëqyrjen e Shërbimit Civil.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.