Qeveria u “shtrin” dorën investitorëve – Rama: Kemi nevojë për ju, ndërhyrje në disa sektorë

Qeveria kërkon më shumë investime, duke premtuar ndërhyje në sektorë potencialë. Kryeministri Edi Rama, ishte i pranishëm në prezantimin e një investimi prej 13 milion eurosh në sektorin e autoveturave , nga kompania jug koreane Yura, ku theksoi se tashmë modeli ekonomik ka ndryshuar, duke u bazuar tek prodhimi, eksporti dhe një turizëm i mirëmenduar, por kërkohen më shumë investime.

Ndërkaq, në 2018-ën investimet e huaja direkte u a rritën në 1 miliardë euro,  ndërsa me  tendencë në rritje janë regjistruar edhe në 3 muajt e parë të vitit.

Kompania Yura Corporation do të investojë në qytetin e Fierit,  e fokusuar në pjesët teknologjike të autoveturave dhe pritet të punësojë mbi 1 mijë individë.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.