Rama: Brenda javës “Plani i Garancisë Financiare”. Paga e marsit garantohet nga shteti, barra nuk do i lihet sipërmarrjes

Brenda javës qeveria shqiptare do të prezantojë “Planin e Garancisë Financiare”. Kjo u njoftua nga kryeministri në një komunikim për mediat ku bëri me dije se pjesë e planit do të jetë edhe mbulimi i pagës së punonjësve të sektorit privat që është prekur nga masat shtrënguese për parandalimin e përhapje së koronavirusit. Kjo do të thotë se kompanitë që nuk kanë mundësi të paguajnë pagat e marsit apo të muajit të ardhshëm nëse situata do të zgjasë, atëhere barra do të kalojë në arkën e shtetit.

Kryeministri tha se nuk do të ketë asnjë ndalim as të Programit të Rindërtimit edhe në rast se donatorët ndërkombëtarë do të ndryshojnë qendrim si pasojë e emergjencës së krijuar nga përhapja e COVID-19.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.