Rama premton vaksinim intensiv – Kryeministri: Në periudhën mars-qershor, synojmë lehtësimin e sezonit turistik
Kryeministri Edi Rama ka premtuar vaksinim intensive gjatë periudhës mars-qershor, me qëllim lehtësimin e sezonit turistik. Deklaratat e Ramës u bënë gjatë aktivitetit “Shëndetësia që duam”, ku ndër të tjera u bë një panoramë e sistemit shëndetësor, gjatë qeverisjes socialiste.
Edhe ministrja e Shëndetësisë, Ogerta Manstirliu u ndal te gjendja e trashëguar në sektorin shëndetësor, duke theksuar se buxheti in ë vitin 2013 ishte tërësisht i pamjaftueshëm.
Gjatë aktivitetit, Rama konfirmoi se shefja e shërbimit Infektiv, që aktualisht është kthyer në spitalin COVID 1, Najada Çomo do të jetë pjesë e listave të deputetëve për Partinë Socialiste, në zgjedhjen e 25 prillit.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.