Rama pret dozat e para nga Pfizer në Rinas: “Më pak se sa prisnim, por siguron vazhdimësinë e procesit”
Dozat e tjera të vaksinës ”Pfizer” kanë mbërritur mbrëmjen e sotme në Shqipëri. Edhe pse me vonesë, tashmë edhe Shqipëria ka marrë ngarkesën e parë të saj nga kompania farmaceutike, që është lider në efektivitetin e mbrojtjes nga virusi.
Vetë kryeministri Rama së bashku me ministrat Manastirliu dhe Ahmetaj kanë shkuar në Rinas për të pritur dozat e para. Kryeministri është shprehur se janë 1170 doza që vijnë kësaj radhe, që edhe pse janë më pak sec ishte premtuar garanton vijimësinë e procesit sipas tij duek kujtuar se Shqipëria e ka nisur vaksinimin javë më parë dhe pse me ritme më të ulëta, pasi një shtet i BE i dhuroi 975 doza të vaksinës.
“1170 doza të tjera kanë mbërritur dhe Pfizer ka garantuar se do të sjellë edhe pjesën e mbetur. Brenda shkurtit do të vijnë edhe dozat e tjera të premtuara. Pra të 41 mijë dozat që ishin parashikuar për dy muajt do të vijnë brneda në kohë. E mira është që kjo dozë vaksinash erdhi dhe ne do vijojmë me procesin e vaksinimit sipas listës.” – u shpreh Rama.
Rama ka bërë edhe zotimin për të dërguar vaksina kundrejt Kosovës, ku sipas tij detajet do të bëhen në vijim dhe mënyrën se si do të funksionojë.
G.K / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.