Rama vijon takimet në Davos – Merr mbështetje për integrimin nga Kroacia dhe Holanda

Në vijim të axhendës në Forumin Ekonomik Botëror të Davosit, kryeministri, Edi Rama, u takua edhe me kryeministrin e Kroacisë, Andrej Plenkovic, me të cilin bisedoi rreth marrëdhënieve mes dy vendeve.

Kryeministri kroat e siguroi kryeministrin Rama për mbështetjen e vendit të tij për hapjen e negociatave mes Shqipërisë dhe Bashkimit Europian.

Gjithashtu, Rama u takua edhe me kryeministrin holandez, Mark Rutte, me të cilin bisedoi mbi ecurinë e Shqipërisë në rrugën e integrimit europian dhe rëndësinë strategjike të çeljes së negociatave për anëtarësim, jo vetëm për vendin tonë, por për të gjithë rajonin.​

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.