Rama, vizitë në Austri – Kurz: Shqipëria i meriton negociatat, s’jap dot përgjigje përfundimtare
Kancelari austriak, Sebastian Kurz, është shprehur se Shqipëria e meriton çeljen e negociatave, por se personalisht nuk mund të japë ende një përgjigje përfundimtare për këtë çështje. Në një dalje të përbashkët para mediave me Kryeministrin Edi Rama, Kur tha se Shqipëria ka hedhur hapat e duhur drejt integrimit në Bashkimin Evropian.
Gjatë fjalës së tij, kryeministri Edi Rama u përqendrua te një temë mjaft delikate në bisedimet me Kurz, atë të emigracionit të paligjshëm përmes kufijve shqiptarë, për të cilin Austria ka premtuar ndihmë financiare.
Kryeministri Edi Rama po zhvillon në kryeqytetet kryesore evropiane një tur lobimi për çeljen e negociatave të Shqipërisë me BE-në.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.