Rehabilitimi i skemave të ujitjes në bashkitë Has, Kuçovë, Maliq dhe Lushnje! Ministria e Bujqësisë hap tenderin
Ministria e Bujqësisë dhe Zhvillimit Rural ka hapur tenderin për rehabilitimin e skemave të ujitjes për bashkitë Has, Kuçovë, Maliq dhe Lushnje. Fondi limit është 1 milionë e 638 mijë lekë dhe afati për dorëzimin e ofertave mbyllet me 9 mars 2020.
“Kërkohet realizimi i shërbimit të investimit me objekt “Kolaudim, rehabilitim i skemave të ujitjes për bashkitë Has, Kuçovë, Maliq dhe Lushnje. Ky projekt është investim që MBZHR po realizon në bashkëpunimin me Bankën Boterore në kuadër të projekteve WRIP (Water Resources and Irrigation Project) sipas kredise Nr. 8817-AL. Afati i realizimit të investimit është parashikuar të fillojë menjëherë me nënshkrimin e kontratës deri në përfundimin e afatit të garancisë” shkruhet në dokumentet e tenderit.
Në total, projekti i rehabilitimit të skemave të ujitjes për bashkitë Has, Kucovë, Maliq dhe Lushnje është llogaritur 1.4 miliardë lekë .
Referuar objektit dhe qëllimit të përgjithshëm të investimit, zërat kryesorë konsistojnë kryesisht si më poshtë:
-Rehabilitimi të kanaleve ujitëse ekzistuese;
-Prishje të shtresave të dëmtuara prej betoni;
-Prerje bimësh;
-Gërmim dheu me ekskavator;
-Rehabilitimi i prizave të kanaleve sekondare dhe portave metalike;
-Struktura monolite betoni;
-Rehabilitimi i urave ekzistuese të këmbësore dhe mjeteve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.