Rënie e ndjeshme e lindjeve dhe vdekjeve – Tirana ‘zgjerohet’ ndërsa Vlora vijon të ‘tkurret’
Sipas publikimin të fundit demografik për tre mujorin e tretë të vitit 2021 nga INSTAT rezulton se numri i lindjeve është 7.404, duke shënuar një rënie me 7,5 %, krahasuar me tremujorin e tretë 2020 ndërsa numri i vdekjeve rezulton 6.037, duke shënuar një rënie prej 8,9 %, krahasuar me tremujorin e tretë 2020.
Sipas informacionit shtesa natyrore e popullsisë (diferenca midis lindjeve dhe vdekjeve) në tremujorin e tretë 2021, është pozitive me 1.367.
Sipas INSTAT në tremujorin e tretë 2021 vlera më e lartë e shtesës natyrore regjistrohet në qarkun e Tiranës, ku numri i lindjeve tejkalon me 1.085 numrin e vdekjeve, ndërsa ai më i vogël regjistrohet në qarkun e Vlorës, ku vdekjet tejkalojnë me 152 numrin e lindjeve.
Sipas informacionit në tremujorin e tretë 2021 vetëm Kukësi ka shënuar rritje të numrit të lindjeve, ndërsa në njëmbëdhjetë qarqet e tjera numri i lindjeve është ulur, në krahasim me të njëjtën periudhë të vitit 2020.
Në tremujorin e tretë 2021 numri më i madh i lindjeve regjistrohet në qarkun e Tiranës, me 2.521 lindje, ndërsa ai më i vogël në qarkun e Gjirokastrës, me 114 lindje.
Sa i përket vdekjeve numri më i lartë është regjistruar në Tiranë ndërsa më i ulëti në Kukës.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.