Rikthehet “stina” e tërmeteve! Lëkundje 3.8 ballë në Hamallaj. Më herët, tërmete në Krujë e Gjirin e Lalzit

Lëkundje të forta tërmeti janë ndjerë ditën e sotme mes Tiranës dhe Durrësit. Referuar “CSEM” tërmeti i orës 11 ka qenë 3.8 ballë në Hamallaj të Durrësit.

Referuar të dhënave të institutit të Gjeoshkencës, ky nuk është tërmeti i parë i këtij intensiteti në këto ditë. Në mëngjes herët, një tërmet i shkallës 2.6 ballë ka pasur si epiqendër Krujë ndërsa gjatë ditës së djeshme, një tërmet 3.2 ballë ka goditur zonën e Gjirit të Lalzit.

Edhe një vit më parë, Shqipëria është përballur me lëkundje të forta e të vazhdueshme tërmeti që kanë pasur si epiqendër zonën e Gjirit të Lalzit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.