Rimbushje dhe oferta të kundraligjshme/ Arrestohet punonjësi i ‘call center’-it në Tiranë

Një 29 vjeçar ka rënë në prangat e policisë pasi dyshohet se ka kryer aktivitete të kundraligjshme në një call-center. Referuar njoftimit zyrtar të Policisë, Seksioni i Krimit Ekonomik Financiar, në bashkëpunim me Prokurorinë e Tiranës ka ndaluar shtetasin me iniciale F.P për veprën penale “ Vjedhje duke shpërdoruar detyrën”.

29 vjeçari, në bashkëpunim me 9 shtetas të tjerë, ka siguruar të ardhura duke kryer aktivitetin e kundërligjshëm të rimbushjes dhe aktivizimit të paketave promocionale, në ‘’kurriz’’ të kompanisë telefonike italiane dhe ‘callcenter’-it .

Rimbushjet dhe aktivizimet kryheshin nga Shqipëria, pranë ‘call center’- it në Tiranë, në numra që operonin në Itali.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.