Rregullore e ‘88-ës për Kaskadën e Drinit/Deputetët, ministrisë: Rishikojeni, duhet mirëmenaxhim i ujit
Menaxhimi i hidrocentraleve mbi lumin Drin aktualisht bëhet me një rregullore të vitit 1988, ndërkohë që deputetët e Komisonit parlamentar të Veprimtarive Prodhuese kanë kërkuar rishikimin e saj, në funksion të mirëmenaxhimit të ujit në kaskadë.
Kërkesa u bë gjatë rialokimit të fondeve nga kredia 15.5 milion euro e Bankës Ndërkombëtare për Rindërtim dhe Zhvillim për sigurinë në diga, ndonëse deputetët kërkuan nga përfaqësuesit e ministrisë që të përcaktohet sesa është leverdia e eficencës së ndërhyrjeve, duke qenë se aktualisht 10% e energjisë humbet si pasojë e portave të shkarkimit.
Ndërkaq, shqetësim u ngrit edhe për digat e bujqësisë që kanë shërbyer për ujitje, duke qenë se për to nuk ka asnjë studim mbi rrezikshmërinë që paraqesin.
Shumë shpejt pritet që Komiteti i Digave të nisë inventarizimin e tyre për të parë situatën në të cilën ndodhen si dhe për të vendosur ku do të ndërhyhet dhe cilat janë digat që do të dalit nga skema pasi kanë humbur funksionin e tyre.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.